Gummibátatænastan var stovnað í seinnu helvt av 80-unum av Johan Gaard Joensen, sum tá hevði arbeitt við bjargingabátum hjá C.C. Johansen síðan 7 juli 1962.

Johan byrjaði heima í húsum sínum í Vallalíð í 1974 við at gera trygdareftirlit av bjargingabátum og aðrar uppgávur fyri C.C. Johansen, sum tá umboðaði Viking bjargingabátar.

Seinni yvirtók Johan sjálvur umboðið fyri Viking og stovnaði Gummibátatænastuna. Fyrsta mai 1994 flutti fyritøkan í egnan virkisbyning á Mannaskarð, sum er beint við PM Heilsøluna við Hoyvíksvegin.

Tá Johan andaðist í 1999 yvirtók sonurin Jan Gaard fyritøkuna til í 2014, tá tvíburabrøðurnir Dánjal Jóhan og Jens Sofus Thomsen keyptu Gummibátatænastuna.

Í nýggja bygninginum í Mykinesgøtu, sum er í tveimum hæddum, eru 800 fermetrar innrættaðir. Í ovaru hæddini eru nøkur leigumál. Alt virksemið hjá Gummubátatænastuni er í niðaru hæddini.

Gummibátatænastan hevur øll árini umboðað Viking bjargingabátar umframt aðra trygdar- og bjargingaútgerð sum t.d. bjargingarvestar, bjargingarkransar, flótidraktir, neyðrakettir, roykkavara útgerð, branddraktir, eldsløkkjarar, brandávaringar, roykalarmar og mangt annað. Gummibátatænastan selur eisini Brenderup viðfestisvognar.